«ELORDA ECO SYSTEM» КӘСІПОРНЫ ТӘУЛІК БОЙЫ ЖҰМЫС ІСТЕУДЕ
Астана қаласындағы соңғы қарлы күндерде Elorda Eco System мекемесінің қызметкерлері жедел шараларды қолға алып, тұрғындардың қауіпсіздігін қамтамасыз ету және қолайлы жағдай жасау мақсатында белсенді жұмыс атқаруда. Қала көшелерінде жиналған қарды тазарту, әсіресе нөсер қабылдағыштар мен құбырлардың бойын қардан тазарту жұмыстары жүйелі түрде жүргізіліп келеді. Су жиналуға бейім жерлерде арнайы техниканың және қол күшінің көмегімен тазарту жұмыстары күшейтіліп, жолдар мен жаяу жүргіншілер жолдарының қолжетімділігі қамтамасыз етілуде. Elorda Eco System қызметкерлері тәулік бойы, 24/7 режимінде кезекшілік атқарып, қардың кедергілерін жоюда үлкен еңбек сіңіруде. Сонымен қатар, су жиналу қаупі жоғары учаскелерге ерекше назар аударылып, құрылыс және монтаждау жұмыстары қарқынды түрде жүргізілуде. Қала тұрғындары мен қонақтары үшін қолайлы жағдай жасау мақсатында Elorda Eco System мекемесі қызметкерлері әрбір қарлы күні көрінбейтін майданның жауынгерлері ретінде еңбектерін жалғастыруда. Жылдың суық мезгілінде атқарылған бұл жүйелі жұмыстар үнемі жалғасатын болады.
