«ELORDA ECO SYSTEM» КӘСІПОРНЫ ТӘУЛІК БОЙЫ ЖҰМЫС ІСТЕУДЕ
Құрметті Астана қаласының тұрғындары мен қонақтары! Елордамызда ҰҚШҰ ұжымдық қауіпсіздік кеңесінің отырысы өтіп жатыр. Аталған шараға байланысты «ELORDA ECO SYSTEM» мекемесінің қызметкерлері жедел шараларды қолға алып, тұрғындардың қауіпсіздігін қамтамасыз ету және қолайлы жағдай жасау мақсатында белсенді жұмыс атқаруда. Қала көшелерінде жиналған қарды тазарту, әсіресе нөсер қабылдағыштар мен құбырлардың бойын қардан тазарту жұмыстары жүйелі түрде жүргізіліп келеді. Су жиналуға бейім жерлерде арнайы техниканың және қол күшінің көмегімен тазарту жұмыстары күшейтіліп, жолдар мен жаяу жүргіншілер жолдарының қолжетімділігі қамтамасыз етілуде. Көзге көрінбейтін майданның жауынгерлері тәулік бойы, 24/7 режимінде кезекшілік атқарып, кедергілерді жоюда үлкен еңбек сіңіруде. Қала тұрғындары мен қонақтары үшін қолайлы жағдай жасау мақсатында «ELORDA ECO SYSTEM» кәсіпорнының қызметкерлері қажетті қорғаныш торлары орнатып, су ағымының үздіксіз жұмыс істеуін қамтамасыз ету үшін арық-атыздар бойы мен нөсер қабылдағыштар бойын тазалап жатыр. Жылдың суық мезгілінде атқарылған бұл жүйелі жұмыстар үнемі жалғасатын болады.
