Elorda Eco System
РУС

Баспасөз орталығы

«Elorda Eco System» жалпықалалық сенбілікке қатысты: Астанада тазалық пен абаттандыру жұмыстары жүргізілді

«Elorda Eco System» қызметкерлері жалпықалалық сенбілік өткізді Астана қаласының әкімі Ж. Қасымбектің 2026 жылғы 11 сәуірдегі өкіміне сәйкес, сондай-ақ «Таза Қазақстан – жауапкершілік белесі» жалпықалалық экологиялық айлығы және «Таза Қазақстан» жалпыұлттық акциясы аясында «Elorda Eco System» ШЖҚ МКК қызметкерлері аумақтарды санитарлық тазалау және абаттандыру бойынша іс-шаралар өткізді. 2026 жылғы 25 сәуірде жалпықалалық сенбілік ұйымдастырылып, оның барысында Кәсіпорынға бекітілген учаскелерді, сондай-ақ Жетіген көшесі бойындағы аумақты (Алаш тасжолынан Пушкин көшесіне дейінгі аралық) тазалау жұмыстары жүргізілді. Бұдан бөлек, өндірістік нысандарда, соның ішінде тазарту құрылыстары мен сорғы станцияларында да жұмыстар атқарылды. Сенбілік аясында қоқыс жинау және шығару, аумақтарды ластанудан тазарту, нысандар мен іргелес аумақтарды тиісті санитарлық жағдайға келтіру жұмыстары жүзеге асырылды. Өткізілген іс-шаралар қалалық ортаның экологиялық жағдайын жақсартуға, абаттандыру деңгейін арттыруға және қоршаған ортаға ұқыпты қарау мәдениетін қалыптастыруға бағытталған.

Нөсерлі кәріз жүйесін жоспарлы тазарту: су басудың алдын алу және инфрақұрылым сенімділігін арттыру

«Триатлон» паркінде «Elorda Eco System» ШЖҚ МКК қызметкерлері нөсерлі кәріз инфрақұрылымын күтіп ұстау және қызмет көрсету бойынша жоспарлы жұмыстар кешенін жүргізді. Іс-шаралар аясында арық желісі механикаландырылған тәсілмен тазартылып, сондай-ақ Сәтпаев көшесі бойындағы құбырлар мен қарау құдықтары гидродинамикалық әдіспен жуылды. Аталған жұмыстар жерүсті сулардың қалыпты өтуіне кедергі келтіретін лай шөгінділерін, тұрмыстық қалдықтарды және басқа да ластаушы заттарды жоюға бағытталған. Мұндай іс-шараларды жүргізу су бұру жүйесінің тұрақты жұмыс істеуін қамтамасыз етуде маңызды рөл атқарады. Атап айтқанда: — арықтар мен құбырлардың өткізу қабілеті артады; — бітелулер мен апаттық жағдайлардың туындау қаупі төмендейді; — жауын-шашын кезінде су басу ықтималдығы азаяды; — іргелес аумақтың санитарлық жағдайы қамтамасыз етіледі. Нөсерлі кәріз желілерін уақтылы күтіп ұстау қалалық инфрақұрылымның жалпы сенімділігін арттыруға және тұрғындар мен қала қонақтары үшін қолайлы жағдай жасауға мүмкіндік береді. Жұмыстар бекітілген өндірістік жоспарға сәйкес қаланың әртүрлі аудандарында жүйелі түрде жүргізілуде.

«Таза Қазақстан» акциясы: «Elorda Eco System» қолдады

📢 «Elorda Eco System» қызметкерлері экологиялық айлыққа қатысты 2026 жылғы 11 сәуір мен 16 мамыр аралығында Астанада өткізіліп жатқан «Таза Қазақстан – жауапкершілік белесі» жалпы қалалық акциясы аясында «Elorda Eco System» қызметкерлері қалалық аумақтарды санитарлық тазарту бойынша кешенді жұмыстар жүргізді. Сенбілік барысында бекітілген аумақтарды тазалау, қоқыс жинау, абаттандыру элементтерін ретке келтіру және аумақтың санитарлық жағдайын жақсарту жұмыстары атқарылды. Мұндай іс-шаралар қаладағы тазалық пен тәртіпті сақтауға, сондай-ақ тұрғындар арасында экологиялық мәдениетті қалыптастыруға бағытталған.

«Elorda Eco System» қызметкерлері алғыс хаттармен марапатталды

«Elorda Eco System» ШЖҚ МКК қызметкерлері Астана қаласының тұрғын үй-коммуналдық шаруашылық басқармасы басшысының атынан адал еңбегі және қаланың инженерлік инфрақұрылымын дамытуға қосқан үлесі үшін алғыс хаттармен марапатталды. Марапаттарды табыстау рәсімі кәсіпорынның бас директорының қатысуымен өтті. Ол қызметкерлерге алғыс хаттарды тапсырып, олардың жоғары кәсібилігін, жауапкершілігін және нөсерлі кәріз жүйесі мен су бұру жүйелерінің тұрақты жұмысын қамтамасыз етудегі маңызды рөлін атап өтті. «Elorda Eco System» мамандарының күнделікті қызметі қалалық инфрақұрылымның тұрақтылығына, елорданың санитарлық жағдайына және тұрғындардың жайлы өмір сүруіне тікелей әсер ететіні ерекше атап өтілді. Кәсіпорын басшылығы қызметкерлерді еңбектерінің лайықты бағалануымен құттықтап, алдағы уақытта да қойылған міндеттерді тиімді орындауға сенім білдіреді.

Еңбекті қорғау және қауіпсіздік техникасы – кәсіпорын қызметінің басым бағыты

Астана қаласы әкімдігінің «Elorda Eco System» ШЖҚ МКК еңбекті қорғау және қауіпсіздік техникасы мәселелері кәсіпорын қызметінің басым бағыттарының бірі болып табылады. Кәсіпорын қызметкерлері арасында тұрақты түрде қауіпсіздік техникасы, өрт қауіпсіздігі және алғашқы медициналық көмек көрсету бойынша нұсқаулықтармен таныстыру жүргізіледі, сондай-ақ өндірістік жұмыстарды орындау кезінде қауіпсіздік деңгейін арттыруға бағытталған практикалық сабақтар ұйымдастырылады. Әсіресе құдықтар мен коллекторларда жұмыстарды жүргізу кезінде талаптарды сақтау, арнайы техниканы пайдалану, сондай-ақ авариялық-қалпына келтіру жұмыстарын орындау барысында қауіпсіздікке ерекше назар аударылады. Әрбір қызметкер қажетті жеке қорғаныс құралдарымен қамтамасыз етілген және міндетті оқытудан өтеді. Сонымен қатар, еңбекті қорғау және қауіпсіздік мәселелері бойынша білімдерін тексеру мақсатында мерзімді түрде қосымша бақылаулар ұйымдастырылады. Аталған шаралар өндірістік тәуекелдерді азайтуға, қызметкерлердің денсаулығын сақтауға және қаланың нөсерлік кәріз инфрақұрылымының үздіксіз жұмыс істеуін қамтамасыз етуге мүмкіндік береді.

«Elorda Eco System» компаниясының халықаралық көрмеге қатысуы: кәсіпорынның дамуына арналған жаңа технологиялар мен практикалық пайда

1–3 сәуір аралығында машина жасау және металл өңдеу саласына арналған 7-ші халықаралық мамандандырылған көрме өтті. Аталған көрме аясында дәнекерлеу жабдықтарынан бастап ірі габаритті өнеркәсіптік техникаға дейінгі заманауи шешімдердің кең ауқымы ұсынылды. «Elorda Eco System» компаниясының қызметкерлері бұл іс-шараға саланың озық технологиялары мен өзекті даму үрдістерімен танысу мақсатында қатысты. Көрме барысында кәсіпорын мамандары жетекші өндірушілер ұсынған заманауи сорғы және тазарту жабдықтарының жұмыс істеу қағидаларын жан-жақты зерттеді. Көрмеге қатысу өндірістік және пайдалану үдерістерінің тиімділігін арттыруға бағытталған тәжірибелік білім мен құнды кәсіби инсайттар алуға мүмкіндік берді. Алынған тәжірибе заманауи техникалық шешімдерді енгізу және кәсіпорын қызметін жетілдіру барысында қолданылатын болады. «Elorda Eco System» компаниясы саладағы өзгерістерді тұрақты түрде бақылап, өз қызметіне озық тәжірибелерді енгізуге ұмтылады.

Елордада нөсерлік кәріз жүйесін тазарту жұмыстары жалғасуда

Жоспарлы жұмыстар аясында «Elorda Eco System» бригадалары қаланың нөсерлік кәріз инфрақұрылымын күтіп ұстау және дамыту бойынша кешенді іс-шараларды жалғастыруда. Қазіргі учаскелерде арық-науалы желілерді қоқыс пен бітелулерден тазарту жұмыстары жүргізілуде, бұл жерүсті сулардың кедергісіз ағуын қамтамасыз етеді. Сонымен қатар, жаңбыр суын қабылдау жүйелерінің тиімділігін арттыру және жол қозғалысы қауіпсіздігін қамтамасыз ету мақсатында нөсерлік торларды орнату және ауыстыру жұмыстары жүзеге асырылуда. Барлық жұмыстар арнайы техника қолдану арқылы жоспарлы түрде жүргізіліп, тұрақты бақылауда. Негізгі мақсат — су бұру жүйесінің тұрақты жұмысын қамтамасыз ету және ықтимал су басу жағдайларының алдын алу. Жұмыстар жалғасуда.

Наурыз мерекесіне арналған мерекелік іс-шара: Elorda Eco System ұжымының бірлігі мен белсенділігі көрініс тапты

Біздің кәсіпорнымызда Наурыз мерекесіне орай мерекелік іс-шара ұйымдастырылды. Іс-шара барысында кәсіпорын қызметкерлері өз өнерлерін көрсетіп, белсенділік танытты. Еңбегімен ерекшеленген қызметкерлер Коммуналдық шаруашылық басқармасының алғыс хаттарымен және кәсіпорын директорының алғыс хаттарымен марапатталды. Мерекелік бағдарлама аясында ән айтылып, би биленді. Сонымен қатар, гір көтеру, қой көтеріп отырып-тұру, қол күрес және арқан тартыс сияқты ұлттық және спорттық ойындар ұйымдастырылды. Жарыс жеңімпаздарына ақшалай сыйлықтар мен медальдар табысталды. «Elorda Eco System» кәсіпорны баршаңызды Наурыз мерекесімен құттықтайды!

Кәсіпорында мерейтойлық жасқа толған қызметкерлерді құттықтау рәсімі өтті

Кәсіпорнымызда мерейтойлық жасқа толған қызметкерлерді салтанатты түрде құттықтау рәсімі өтті. Кәсіпорынның бас директоры қызметкерлерге көп жылғы адал еңбегі, жоғары кәсібилігі және елордамыздың коммуналдық саласының дамуына қосқан үлесі үшін алғысын білдірді. Биыл мерейтойларын атап өткен қызметкерлер: Кенжетаев Мұрат Башимұлы — Нұра ауданының (нөсерлі кәріз) апаттық-қалпына келтіру жұмыстарының слесары, 60 жас; Малинбаев Мұратхан Малинбайұлы — Бас механик қызметінің жүргізушісі, 60 жас; Бекетаев Айбек Ескендірұлы — сорғы станциясының сорғы қондырғыларының машинисі, 50 жас; Сатеков Нұрлыбек Тлешұлы — Байқоңыр ауданының (нөсерлі кәріз) апаттық-қалпына келтіру жұмыстарының слесары, 50 жас. Абдрахманов Серик Темірұлы — жеңіл көлік жүргізушісі. Кәсіпорын басшылығы мерейтой иелеріне өз ісіне деген адалдығы, жауапкершілігі және қаланың инженерлік инфрақұрылымының тұрақты жұмысын қамтамасыз етуге қосқан үлесі үшін алғыс білдірді. Ұжым да құттықтауға қосылып, оларға зор денсаулық, амандық және еңбектеріне табыс тіледі. Мұндай кездесулер кәсіпорынның игі дәстүріне айналып, көптеген жылдар бойы қаланың коммуналдық қызметтерінің дамуына және олардың үздіксіз жұмыс істеуіне елеулі үлес қосып жүрген азаматтарға деген құрметтің белгісі болып табылады.

Ұжым көркі – әйелдер: кәсіпорында 8 наурыз мерекесіне арналған құттықтау

Өндірісте еңбек етіп жүрген ер азаматтарымыз кәсіпорынымыздың нәзік жанды қызметкерлерін 8 наурыз – Халықаралық әйелдер күні мерекесімен құттықтады. Бұл мереке аясында әйелдердің ұжымдағы еңбегі мен кәсіпорынның дамуына қосып отырған үлесі ерекше атап өтілді. Ер азаматтар нәзік жандыларға шынайы алғыс білдіріп, олардың кәсіби шеберлігі, жауапкершілігі және еңбекқорлығы кәсіпорын жұмысының табысты жүруіне маңызды үлес қосып отырғанын атап өтті. Сондай-ақ ұжымдағы әйелдердің ұйымшылдығы мен белсенділігі әрдайым жоғары бағаланатыны айтылды.

Кәсіпорынымыздағы нәзік жандыларымызға арналған мерекелік кеш

Кәсіпорынымызда нәзік жанды қызметкерлерге арналған мерекелік іс-шара ұйымдастырылды. Бұл кеш ұжымдағы әйелдердің еңбегін құрметтеп, оларға алғыс білдіру мақсатында өтті. Іс-шара барысында кәсіпорынның өнерпаз жігіттері сахнаға шығып, әсем әндер орындап, жиналған қауымға көтеріңкі көңіл-күй сыйлады. Музыкалық тартулар мен жылы лебіздер мерекелік кештің сәнін келтіріп, ерекше атмосфера қалыптастырды. Кеш барысында бас директор сөз сөйлеп, кәсіпорынның дамуына үлес қосып жүрген нәзік жанды қызметкерлердің еңбегін атап өтті. Сондай-ақ олардың кәсіби шеберлігі мен жауапкершілігін жоғары бағалап, бірқатар қызметкерлерге алғыс хаттар табыстады. Мерекелік шара жылы лебіздерге, ризашылыққа және көтеріңкі көңіл күйге толы болды. Ұжымдағы нәзік жандыларға көрсетілген құрмет – олардың еңбегіне деген алғыс пен сыйластықтың айқын көрінісі болды.

«Сапа менеджменті жүйесінің ішкі аудиторы» оқу курсы

Ағымдағы жылдың 2–4 наурызы аралығында кәсіпорнымызда «Сапа менеджменті жүйесінің ішкі аудиторы» оқу курсы өтуде. Курс келесі стандарттардың талаптарына сәйкес ұйымдастырылған: ▪️ СТ РК ISO 9001-2016 (ISO 9001:2015) ▪️ СТ РК ISO 19011-2019 (ISO 19011:2018) Оқу ішкі аудиттерді жүргізудің практикалық дағдыларын қалыптастыруға, сапа менеджменті жүйесінің тиімділігін арттыруға және ұлттық әрі халықаралық стандарттардың талаптарына сәйкестікті қамтамасыз етуге бағытталған.